在遊戲室遇上小惡霸！
前幾日帶Timtam仔去屋苑的club house 玩，平常5pm這個時間應該有不少小朋友放學去呢到玩，今日去到只有2個小男孩和他們的爸爸！感到有點奇怪！
我地一黎就先玩搖搖的小馬仔，突然其中一個小男孩衝過來，再向住Timtam仔怒吼，我一時來不及反應，以為佢想同Timtam仔玩，之後佢又走左去，佢哥哥大叫：爸爸，細佬又係度嚇人！
爸爸在老遠正拎住個電話係到碌，大聲回應： 細佬！再嚇人我地就走唔准玩喇！
見呢兩個小朋友電兔咁走黎走去，心知不妙，我抱Timtam仔轉去玩Thomas小火車，專登走去另一邊嘗試避開呢兩兄弟！
點知個細佬又走過黎，推住另一架車想撞過黎，我即刻用身體擋住，個男仔見事敗整個衰樣又走左去！
好啦！我唸住玩埋個小滑梯就走，個細佬又唔知用咩撞我地玩緊的滑梯，今次哥哥見到又告狀，個阿爸望都冇望，自言自語咁講：細佬，乖d啦！😤
我終於都抱走Timtam仔，比佢地霸哂成個場玩，我本來有一刻想話個小朋友唔可以咁對其他小朋友，不過唸深一層，佢老豆係度都教唔到佢，我呢個師奶又有咩資格教人地個仔？
小惡霸是如何練成，睇佢老豆就明！
#自己個仔自己教
#我唔會比Timtam仔第時咁樣蝦小朋友
#品格要從小培養
#反面教材
Search